Nipakatap og dili mominus 2,250 ka mga pulis ang Philippine National Police (PNP) isip dugang ayuda sa mga naapektuhan sa magnitude 6.9 nga linog nga miigo sa Sugbo.
Matod ni Directorate for Police Community Relations Deputy Director PBGen. Antonio Marallag Jr., ang maong mga pulis gikan sa nagkadaiyang units nga nadestino ang mudugang sa manpower sa Sugbo.
Samtang ang bulto sa pwersa gikan sa Police Regional Office 7 kay gipakatap na, ang National Police mipakatap usab og augmentation gikan sa PRO 8 (Eastern Visayas), Negros Island Region ug uban pang units.
Gitutokan karon sa maong mga personahe ang pagtabang sa relief operations sa maong lugar ingon man ang rehabilitasyon sa mga apektadong lugar.
Tutokon usab sa kapulisan ang pagmintinar sa seguridad ug kaluwasan sa publiko nga naapektuhan sa linog.
Sa pagkakaron, 34 ka PNP stations ang apil sa nadaot sa linog samtang 37 ka pulis ang apektado.
