Gipasalig sa Philippine National Police (PNP) nga ilang dakpon si Senador Ronald “Bato” dela Rosa kon motambong siya sa impeachment trial ni Bise Presidente Sara Duterte sa Hulyo 6, 2026.
Matud ni PNP Public Information Office Chief Col. Allen Rae Co nga ang kapulisan andam sa pagpatuman sa ilang mandato kon motambong pag-usab ang senador.
Kahinumduman nga si Dela Rosa nag-atubang karon og warrant of arrest gikan sa International Criminal Court (ICC) kalabot sa kasong crimes against humanity nga may kalabotan sa kampanya batok sa ilegal nga droga atol sa administrasyon ni kanhi Presidente Rodrigo Duterte.
Samtang, ang senador wala pa makita sa publiko human gi-isyu ang warrant batok kaniya.
Sumala sa PNP, andam ang ilang hanay sa pagpatuman sa balaod kon matino na ang nahimutangan ni Dela Rosa o kon boluntaryo kini nga motambong sa bisan unsang panagtapok, lakip na ang impeachment trial ni VP Sara.
