CEBU CITY-Girelieve na sa pwesto karong adlawa ang mga pulis sa Badian PS, kinsa matud pa nagmando sa mga detainee nga maglips to lips.
Kini ang gikumpirmar ni Cebu Provincial Police Office (CCPO) Direktor Senior Supt. Edgar Alan Okubo. Matud niini nga gi-relieve na nila ang maong mga pulis nga nalambigit sa nahisgutang insidente para matud pa dili kini maka manipular sa nagpadayun nga imbestigasyon sa kaso ug para usab kini mapaubos sa seryoso nga pagsuta.
Dugang pa ni Okubo nga wala nalakip sa girelieve ang hepe sa Badian PS gumikan nga kuwang man sila ug officers ug wala man matud pa ang maong hepe sa dihang nahitabo ang insidente. Una na nga gibutyag sa hepe sa Badian PS nga si Police Senior Inspector Bonifacio Pareja nga anaa ra siya sulod sa iyang opisina sa dihang nahitabo ang pagbugal-bugal sa mga detainee nila.
Mahinumduman nga nahimong kontrobersyal ang Badian PS sa dihang nasikop si Norriel Borromeo gumikan sa pagkalambigit niini sa iligal nga drogas.
Diin matud pa nga gipalips to lips kini sa isig ka piniriso, butang nga gihimakak sa mga nalambigit nga pulis.
