Cebu City– Gibutyag ni Police Director General Ronald Dela Rosa nga wala silay gikuptan nga ebedensya nga makapamatuod nga nalambigit sa iligal nga drogas si Cebu City Mayor Tomas Osmeña.
Matud ni Dela Rosa nga gilambigit lamang ni Jumbo Diaz kinsang ig-agaw ni Jaguar Diaz ang mayor nga matud pa protektor sa iligal nga drogas.
Dugang pa niini nga ang NBI maoy nagpahigayon karon ug case build up kabahin sa pasangil sa mayor sanglit naa man sa DOJ nag surrender si Diaz.
Suma pa niini nga mahimo man sila magpahigayon ug imbestigasyon apan wala pa silay nakitang ebedensya nga maka connect sa Mayor ngadto na sa iligal nga drogas.
Gihimug-atan ni dela rosa nga dili mahimo nga butang butangan nila ug sala ang usa ka tawo hilabi na ug wala man kini sala.
Nasayran nga si DOJ secretary Vitalliano Aguirre II mismo maoy mianunsyar sa publiko sa gikaingong kalambigitan ni Osmeña sa iligal nga drogas.
