Gibalhin na karon sa Philippine Olympic Committee (POC) ang ilang atensyon ngadto sa pagpangandam alang sa umaabot nga Los Angeles Olympics sa 2028.
Kini human wala makab-ot sa Pilipinas ang target nga gidaghanon sa gold medal sa bag-o lang natapos nga ika-20 nga Asian Games nga gipahigayon sa Aichi-Nagoya, Japan.
Matod ni POC President Abraham “Bambol” Tolentino, bisan tuod wala malabwan sa nasod ang ilang target, natupngan gihapon niini ang gidaghanon sa gold medal nga nakuha sa miaging Asian Games.
Dugang pa ni Tolentino, kinahanglan pang pauswagon sa nasod ang programa sa pagbansay sa mga atleta, lakip na ang pagkuha og mga langyaw nga coach, aron mas mapalig-on ang pagpangandam alang sa LA Olympics sa 2028.
Nakakuha ang Pilipinas og upat ka gold medal, siyam ka silver medal ug siyam ka bronze medal sa maong kompetisyon.
Kini nga resulta mas maayo pa kaysa sa gipakita sa nasod sa 2023 Hangzhou Asian Games, diin nakakuha kini og upat ka gold medal, duha ka silver medal, ug 18 ka bronze medal.
