CENTRAL VISAYAS-Nibisita si Police Brigadier General Anthony Aberin, direktor sa Police Regional Office sa Central Visayas (PRO-7), sa haya ni Police Corporal Ryan Languid Baculi gahapon Biyernes, Nobyembre 17, 2023, sa Purok 5, Barangay Zaragosa sa Aloguinsan, Cebu.
Si Baculi napatay atol sa buy-bust operation dihang nagpaka-arun ingnu kini isip poseur buyer niadtong Nobiyembre 15.
Gitunol usab sa regional director ang PNP Heroism Medal for Baculi nga nadawat sa iyang live-in partner nga si Angel Montealto.
Karong Nobyembre 22 ang gikatakdang paglubong sa napatay nga pulis.
Sa pikas bahin, gikalipay ni Police Colonel Percival Zorilla ang hepe sa kapulisan sa lalawigan sa Sugbo nga adunay usa ka pribadong indibidwal nga mitanyag og P50,000 niadtong mga tawo nga makatudlo sa nahimutangan nilang Atong Rafols ug Ramil Salazar ang duha ka mga suspetsado sa pag pusil patay kang Police Corporal Ryan Languido Baculi.
Matud ni Zorilla nga ang duha ka mga suspetsado gituohan nga mitago kini sa probinsya sa Sugbo ug midugang nga ang intelligence unit sa CPPO nakig alayon na sa mga operatiba sa PRO7.
Dugang ni Zorilla nga mas ma enganyo ang mga indibwal nga nakaila aning mga suspetsado ilabi na kadtong nabiktima niini gumikan sa tanyag niini nga P50,000.
Mipahimangno sab si Zorilla nga kinahanglan andam kanunay ang mga kapulisan sa pagresponde sa bisan unsang mtang sa alarma ilabi na nga mga armado ang mga suspetsado.
