CEBU CITY-Hingpit nang gitudlo isip permanenteng City Director sa kapulisan sa Cebu City Police Office si Police Colonel Antonietto Cañete human sa pag-anunsyo ni Cebu City Acting Mayor Raymond Alvin Garcia atol sa Flag Ceremony sa Cebu City Hall kagahapong adlawa sa Lunes Septiyembre 23, 2024.
Kini human misumiter na sa National Headquarters sa Philippine National Police sa Kampo Crame si Acting Mayor Garcia sa iyang recommendation letter atol sa proseso sa pagkatudlo sa hepe sa kapulisan sa dakbayan sa Sugbo.
Matud pa sa Acting Mayor, nga nipadangat kini sa iyang pahalipay sa pagkatudlo ni Police Col. Cañete ingon man sa ilang adbokasiya sa padayong pagdalit ug lig-on nga serbisyong seguridad sa dakbayan.
Kahinumduman nga si Police Col. Cañete naghupot sa posisyon isip OIC-City Director sa CCPO sulod sa usa ka buwan ug tunga sukad sa paghulip niini kang Police Col. Ireneo Dalogdog niadtong Hulyo 26.
