LAPU-LAPU CITY-Gidapog sa usa ka babayi nga suspek sa hit and run ang police nga nakasakmit kaniya sa Lapu-Lapu City.
Sumala sa imbestigasyon sa Consolacion Police Station nga nag-gikan ang babayi sa Liloan ug padung sa Mandaue City nga nakabagat og traffic flow apan mi-overtake sa pikas lane hinungdan nga na-crash sa left front portion sa Ford Everest nga sakyanan sa usa usab ka lady driver ug naangol ang iyahang anak nga nahimutang sa luyo sa sakynan.
Nahitabo ang insidente niadtong Sabado, Nobyembre 4, 2023 alas 7 sa gabie samtang nagroving ang Bisdak Cop ug gigukod ang suspect nga si Julie Gay Kiener nga mi-drive og Toyota Fortuner.
Gipanglantawan sa kapulisan nga possibling naka-inom ang suspetsado nga driver, ug sa dihang ilaha kining gipahunong gitataw nga aroganti kini ug gikalit lang og dapog si Patrolman Baldesco.
Gi-turnover si Keiner sa Lapu-Lapu Police Station 5, diin gitanggong sa detention cell sa police station.
Sa kasamtangan, nagtingkagol sa Lapu-Lapu Police Station 5 ang suspek nga mo-atubang og inisyal nga kasong Reckless Imprudence Resulting in Damage to Property and Physical Injury in Relation to R.A. 7610 (Hit and Run).
Samtang, natanggong ang iyahang sakyanan sa suspek ngadto sa Lapu-Lapu City Police Station 5.
