CENTRAL VISAYAS-Gipanghimakak sa Police Regional Office 7 ang pamahayag ni Negros Oriental 3rd District Representative Arnolfo ‘Arnie’ Teves nga nga adunay gipaboran ang kapulisan sa paghimo sa imbestigasyon.
Sa interview sa Bombo Radyo Cebu kay Police Lieutenant Colonel Gerard Ace Pelare, ang spokesperson sA Special Investigation Task Group (SITG) Degamo gipahayag niini nga espekulasyon lamang kini sa kongrisista.
Matod niya, ang Philippine National Police nagkinahanglan og dinaliang imbestigasyon sa bisan unsang krimen nga mahitabo base sa mga ebidensiya nga nahipos.
Giklaro ni Pelare nga ang daling pagkasikop sa mga suspek sa pagpatay kang Gobernador Degamo ug walo ka uban pa maoy dali usab nga reaksyon sa PNP ug Armed Forces of the Philippines mao nga dali silang na-disorient sa mga road blocking.
Hinuon gipasalig niini nga ilang susihon ang impormasyon nga gibutyag ni Congressman Teves ug ilang susihon ang background sa mga pangangkon sa kongresista.
Una sa tanan, sa usa ka video, gipahibalo ni Congressman Teves nga daghan na ang mga pagpamatay sa Negros Oriental apan walay bisan usa ka suspek nga nasikop.
Bisan ang ig-agaw nga giingong gipusil wala pa gihapon masulbad hangtod karon ug hangtod karon wa pa madakpi ang naghimo sa maong krimen.
