CEMTRAL VISAYAS-Nipasalig ang Police Regional Office (PRO 7) nga magpadayon ang anti-criminality operations ug police deployment sa kadalanan sa tibuok Central Visayas, bisan paman sa grabeng kainit nga dala sa El Niño phenomenon.
Kini ang gitino sa tigpamaba sa PRO 7 nga si Police Lieutenant Colonel Gerard Ace Pelare, nga ang presensya sa mga pulis sa kadalanan importante sa pagmintinar sa kaluwasan sa publiko.
Dili mutugot ang mga kapulisan nga makapugong sila sa kainit sa pag-beat patrol tungod kay nanumpa sila nga buhaton nila ang ilahang trabahu bisag unsa ang lakat sa panahon.
Gipasabot ni Pelare nga andam na sila niini, tungod kay gitudloan ang mga kapulisan sa pagtrabaho ubos sa grabeng kainit.
Giklaro ni Pelare nga sa dili pa ipang-deploy ang mga kapulisan sa ilahang field work, ang ilang panglawas kanunay nga susihon sa mga kawani sa Regional Medical Dental Unit.
