GAZA STRIP-Mamahimong mokaylap sa Middle East ang nakit-an nga polio virus sa Gaza.
Hinungdan nga nagpasidaan ang unibersidad nga nakadiskobre sa virus sa potensyal nga mokatag pa kini.
Matud ni Flemming Konradsen, usa ka professor sa global health, nga ang naasoy nga sakit kay gikulbaan sa kadaghanan tungod sa hulga niini sa kahimsog, ingon man nga nagpakita kini og timailhan sa kasamtangang nahitabo sa Gaza nga naguba gayud ang imprastraktura sa kahimsog.
Gihimug-atan pa niini nga angay mabalaka ang Israel sa mga taho sa virus sa polio tungod kay nagpabilin ang dakong risgo nga sa umaabot nga mga adlaw ang polio mahimong mokaylap sa ubang mga nasud sa rehiyon.
Gi-report sa World Health Organization nga ang polio virus nakit-an sa labing menos unom ka sample sa wastewater sa Gaza diin ang mga sample kay nakolekta gikan sa duha ka lainlaing mga lokasyon sa sentro sa Gaza Strip.
