Gikatahong lumsan sa suba ang politiko nga makahimo og makauulaw nga desisyon sa Trento, Italy.
Kini ang nahimong hisgutanan karon sa social media diin usa ka talagsaong tradisyon sa nasud, nga gitawag nga satirical nga ritwal batok sa mga lider o personalidad nga makahimo og makaulaw nga desisyon.
Nasayran usab nga ang tradisyon kabahin sa Feste Vigiliane, diin gipahigayon ang gitawag nga “La Tonca.”
Sa maong ritwal, usa ka “Court of Penance” ang mopili, diin kasagarang mga politico ang gi-ila nga nakahimo og pinakakontrobersyal o sayop nga desisyon sulod sa tuig. Kung mapili, ang maong personalidad simbolikong ibutang sa usa ka hawla ug ilubog sa Adige River sulod sa tulo ka higayon.
Apan, dili kini usa ka silot nga makadaot, kundili usa lamang ka pamaagi sa kataw-anan ug pagsaway sa publiko.
Sumala sa mga report, ang maong tradisyon naggikan pa sa ika-14 hangtod ika-17 siglo ug gihimo aron ipadayag ang pagbati sa katawhan batok sa mga lider nga napakyas sa ilang katungdanan.
Sa Pilipinas, daghang netizens ang nakarelate sa maong tradisyon, ug adunay uban nga nag-ingon nga ang ingon nga pamaagi mahimong epektibo usab isip simbolikong pagpamatuod sa mga opisyal nga masipyat sa ilang serbisyo. Bisan pa man, nagpabilin kini nga usa ka kultural nga kalihokan sa Italy kansa naghiusa sa kasaysayan, kataw-anan, ug pagpamatuod sa publiko pinaagi sa mamugnaong pamaagi.
