Gikatakdang morepresentar si Filipino Cardinal Luis Antonio Tagle kang Pope Francis karong Hulyo 17 hangtod 21 sa National Eucharistic Congress sa Estados Unidos.
Ang 10th National Eucharistic Congress nagtumong sa paghiusa sa Simbahang Katoliko sa US alang sa nasudnong pagsaulog sa misteryo sa Eukaristiya sa kinabuhi sa Simbahan uban sa mga obispo sa Estados Unidos.
Kung mahinumduman, ang katapusang National Eucharistic Congress sa US gihimo kaniadtong 1941.
Sa usa ka pamahayag, ang presidente sa USCCB nga si Archbishop Timothy Broglio niingon nga ang pagkatudlo ni Tagle maoy regalo ni Pope Francis sa Eucharistic Congress.
Dugang pa nga si Tagle nakaila pag-ayo sa Estados Unidos human siya nakaangkon og doctorate sa theology sa The Catholic University of America niadtong 1991.
