Gikumpirmar sa Holy See Press Office nga ang ika-10 ka adlaw nga pagpabilin ni Pope Francis sa Gemelli Hospital sa Roma, diin siya nagpatambal alan sa double pneumonia, maayo na ang dagan.
Matud niini nga nagmalinawon ang kagabhion diin nakatulog ug nakapahuway ang Santo Papa.
Ingon man nga nakadawat na usab og dugo ang Papa aron madugangan ang iyang hemoglobin levels.
Dugang sa Holy See nga ang thrombocytopenia kay nagpabiling lig-on; bisan paman nga ang pipila nga mga blood tests niini kay og mild renal insufficiency, nga sa pagkakaron kontrolado na.
Ug nagpadayon usab ang high-flow oxygen therapy pinaagi sa nasal cannulas.
Nasayran usab nga nsialmot sa milabayng adlaw si Pope Francis sa misa nga gipahigayon sa iyang apartment sa Gemelli Hospital uban sa iyang doktor ug nurse nga nag-atiman sa Santo Papa.
