Makigtabo si Pope Francis sa mga lider sa Estados Unidos, Ukraine, France ug India, ug uban pa, sa sidelines sa Group of 7 o mas giila na G7 summit sa Italy matod pa sa pamahayag sa Vatican kaniadtong Huwebes,Hunyo 13.
Ang Santo Papa nga kaniadtong Enero nagpahimangno batok sa “tuis” nga mga kapeligrohan sa artificial intelligence, kinahanglan nga moapil sa mga pakigpulong sa mga lider sa bag-ong teknolohiya sa Biyernes.
Siya ang unang santo papa nga miapil sa mga diskusyon sa G7.
Sa pag-isyu sa usa ka programa alang sa iyang usa ka adlaw nga pagpakita, ang Vatican miingon nga si Pope Francis adunay bilateral meeting uban ni US President Joe Biden nga usa ka Katoliko.
Gidugang sa Vatican nga siya usab adunay one-on-one nga mga miting uban ni Volodymyr Zelenskiy sa Ukraine, Emmanuel Macron sa France, Narendra Modi sa India, Luiz Inacio Lula da Silva sa Brazil, Justin Trudeau sa Canada, Recep Tayyip Erdogan sa Turkey, William Ruto sa Kenya, Abdelmadjid Tebboune sa Algeria, ug ang pangulo sa International Monetary Fund nga si Kristalina Georgieva.
Una na usab silang nagpulong sa akalabay nga Oktubre sa miaging tuig bahin sa krisis sa Middle East pagkahuman sa pag-atake sa Hamas sa Israel.
Gibutyag ni Biden ang iyang pagtahod sa santo papa, gidayeg ang iyang empatiya ug gitawag siya nga “disente nga tawo.”
Niadtong Nobyembre 2020, ang Santo Papa mitanyag sa iyang mga panalangin ug pahalipay kang Biden sa usa ka tawag sa telepono sa iyang pagkapili isip presidente sa Estados Unidos.
