CEBU – Mitudlo og bag-ong auxilliary bisop si Pope Francis niadtong Huwebes sa Sugbo.
Matod sa Vatican nga i-ordinahan isip obispo si Msgr. Ruben Labajo, kinsa kasamtangang Vicar General sa Archdiocese of Cebu, nunot sa iyang pagkatudlo.
Sa iyang pagtudlo, motabang si Labajo kang Arsobispo Jose Palma isip chief shepherd of the archdiocese.
Natapos ni Labajo ang iyang pagtuon sa pilosopiya ug teolohiya sa San Carlos Seminary College sa Cebu ug naordinahan niadtong Hunyo 10, 1994.
Nagserbisyo siya isip parish vicar sa Mandaue City gikan sa 1995 hangtod 1997; pastor sa Santa Fe Parish sa Bantayan Island ug moderator sa parokya sa St. Joseph sa barangay Tabunok sa Talisay.
Si Labajo nagsilbi usab nga moderator sa Cebu Metropolitan Cathedral ug vicar forane sa Vicariate of the Most Holy Rosary gikan 2014 hangtod 2019.
Sa 2020, ang gi-orden nga obispo gitudlo nga vicar general ug moderator sa St. Francis Assisi Parish sa lungsod sa Balamban.
Sa iyang pagkatudlo, mapasalamaton kaayo si Most Rev. Labajo sa pagsalig nga gihatag kaniya ni Pope Francis ug sa Papal Nuncio sa Pilipinas nga si Most Rev Charles Brown.
