Pope Francis, nahimamat sa mga sikat nga komedyante sa pelikula

Nahimamat ni Pope Francis ang kapin sa 100 ka mga komedyante sa lainlaing bahin sa kalibutan sa Vatican.

Naglakip kini ni Jimmy Fallon, Chris Rock ug Whoopi Goldberg.

Matod sa Santo Papa, ang mga komedyante nakahimo sa paghiusa sa mga tawo pinaagi sa ilang pagpakatawa ug kini makatakod.

Moabot ngadto sa 107 ka mga komedyante gikan sa 15 ka nasod diin gidayeg sila sa Santo Papa tungod kay sila ang hinungdan nga daghang mga indibidwal ang nipahiyom o nikatawa.

Gipahigayon sa Santo Papa ang miting uban sa mga komedyante pipila ka oras sa wala pa moadto sa Puglia alang sa G7 summit.