Nangayo og pasaylo si Pope Francis sa negatibo ug dili maayong mga pulong nga iyang giluwatan batok sa mga LGBT.
Giingong nahitabo ang insidente atol sa iyang pakigtagbo sa mga obispo.
Sa usa ka closed-door meeting iyang giingon sa miaging semana iyang gisultihan ang mga Italyano nga obispo nga ang mga huyang kay dili angay tugotan nga mahimong pari.
Matod sa Vatican, dili tuyo sa 87-anyos nga Santo Papa ang pagpasakit sa pagbati ug pagbungat og masakit nga mga pulong.
Hinungdan nga kinasing-kasing kini nga nangayo og pasaylo sa tanan nga nasakitan sa iyang mga pulong.
Kaniadtong 2005 pa nga gipatuman sa Vatican ang pagdili sa pag-orden sa mga lalaki nga aktibo nga huyang nga adunay “deep-seated” homosexual tendencies ug giusab kini ni Pope Francis kaniadtong 2016.
