Subling nanawagan si Pope Francis alang sa usa ka hinanaling ceasefire sa Gaza samtang nagpadayon kini nga nag-recover gikan sa pneumonia.
Gipahinungod ni Francis ang iyang Easter Urbi et Orbi nga mensahe sa panawagan dili lang sa Gaza apan lakip na sa tibuok kalibutan, alang sa global disarmament ug alang sa pagpagawas sa mga binilanggo.
Gumikan dili kini mamahimo nga makigsulti og dugay hinungdan nga gibasa kini ni Archbishop Diego Ravelli, ang Master sa Pontifical Liturgical Celebrations, diin gihulagway sa Santo Papa ang sitwasyon sa Gaza nga “dramatiko ug makaluluoy,” nga nag-awhag sa Israel ug Hamas nga tapuson ang kapintasan, buhian ang mga hostage, ug sulbaron ang grabe nga kagutom nga giatubang sa mga sibilyan.
Gikondenar usab niya ang nagkataas nga antisemitism sa tibuok kalibutan.
Samtang, gisalikway sa Hamas ang bag-ong sugyot sa Israel alang sa usa ka temporaryo nga ceasefire baylo sa pagpagawas sa mga hostage. Agi’g tubag, ang Punong Ministro sa Israel nga si Benjamin Netanyahu nagmando sa militar nga pakusgon ang mga operasyon batok sa Hamas.
Sa samang adlaw, si Pope Francis nipahigayon usab og hamubo nga meeting uban ni U.S. Vice President JD Vance sa Vatican isip kabahin sa Easter greetings.
