Mipadangat og pag-ampo si Pope Leo XIV sa Pilipinas niadtong Dominggo, Nobyembre 9 didto sa Vatican City atol sa pag-igo sa bagyo sa nasud ilabi na sa Super Typhoon Uwan nga nakaapekto sa dakong bahin sa nasud.
Sumala pa nga kapin sa milyon ka mga tawo ang nibakwit gkan sa mga bulnerable nga mga dapit human mi-landfall ang bagyo sa probinsya sa Aurora.
Matod pa sa Santo Papa atol sa senemanang Angelus message niini sa St. Peter’s Square nga gi-ampo niini ang mga pamilya sa mga namatyan, naangol, ug nawad-an sa panimalay.
Gihisgutan usab ni Peope Leo ang mga panagbangi sa kalibutan, nga nag-ingon nga aron pagpasidungog sa handumanan sa mga namatay sa away ug pagpamomba, kinahanglan nga “hunongon ang gubot ug mopasalig sa mga negosasyon”.
Gipasalamatan usab niya ang “tanan nga, sa matag lebel nga nagtrabaho aron matukod ang kalinaw sa lainlaing mga rehiyon nga naapektuhan sa gubat”.
