Hugot nga gikondenar ni Pope Leo XIV ang hulga ni U.S. President Donald Trump nga i-target ang civilian infrastructure sa Iran, nga nanawagan alang sa usa ka malinawon nga solusyon sa nagkagrabe nga tensyon sa Middle East.
Sa iyang pahayag niadtong Miyerkules (oras sa Pilipinas), ang Santo Papa mibutyag nga ang hulga ni Trump nga ang “kinatibuk-ang sibilisasyon sa Iran mamiligro” kung ang Iran dili makigsabot.
Giawhag niini pag-usab ang mga lider sa lainlaing mga nasud nga pilion ang kalinaw kaysa bayolenting mga lakang.
Sigon sa Santo Papa, nga ang nagpadayon nga gubat nagpasilaob lamang sa kasuko ug wala mag-aghat og mga solusyon.
Giawhag niya ang mga lider nga mobalik sa negosasyon aron tapuson ang panagbangi, ug gihimug-atan nga ang mga pag-atake sa mga sibilyan nakalapas sa International law.
Dugang usab niini nga nabalaka siya alang sa mga inosenteng sibilyan, labi na ang mga bata, mga tigulang, ug mga masakiton nga mahimong biktima sa nagpadayon nga kapintasan.
Nanawagan usab ang Santo Papa sa publiko nga dasigon ang ilang mga lider nga ipasiugda ang kalinaw ug likayan ang gubat.
Gawas sa Santo Papa, gikondenar usab sa U.S. Conference of Catholic Bishops ang hulga sa Amerika.
Sumala ni Archbishop Paul S. Coakley, ang pag-target sa mga huyang nga sibilyan dili makatarunganon ug adunay uban pang mga paagi aron masulbad ang panagbangi nga dili mosangpot sa gubat.
