-- ADVERTISEMENT --

Naigo sa nawong si Pope Leo XIV sa usa ka rosaryo samtang nagsakay siya sa iyang popemobile ug nangumusta sa mga tawo nga naghulat kaniya sa Lima, Peru.

Nahitabo ang insidente niadtong Lunes, Nobyembre 16, samtang padulong ang Santo Papa sa iyang kataposang misa didto sa Las Palmas Air Base, nga nagtimaan sa pagtapos sa iyang 12 ka adlaw nga pagbisita sa South America.

Base sa usa ka video sa maong panghitabo, adunay usa ka butang—nga gituohang usa ka rosaryo—ang gilabay gikan sa pundok sa mga tawo ug naigo ang Santo Papa sa nawong, duol sa iyang tuo nga mata.

Makita sa video nga daw nasakitan si Pope Leo ug gihikap niya ang iyang nawong human kini maigo.

Bisan pa niini, nagpadayon siya sa pagpangumusta sa mga deboto ug gipahigayon ang gikatakdang misa.

-- ADVERTISEMENT --

Walay gitaho nga seryosong kadaot o samad nga naangkon ang Santo Papa tungod sa maong insidente.