Nagtapok ang anaa sa 50,000 ka tawo sa St. Peter’s Square aron sa pagtambong sa Jubilee sa mga Pamilya, nga gipangulohan ni Papa Leo XIV.
Sa iyang homily, gituki sa Santo Papa ang mahinungdanong tahas sa pamilya sa pagpasa sa pagtuo, gugma, ug kinabuhi gikan sa usa ka henerasyon ngadto sa sunod nga henerasyon.
Mipahayag ang Santo Papa nga ang “balaang kaminyoon” usa lamang ka panaghiusa ug pagpasaylo, nagtimaan nga ang mga pamilya sama nila Luigi ug Celia Martin, mga ginikanan ni St. Therese sa Lisieux, ug ang Polish nga pamilyang Ulma kay mipahinungod sa ilang kinabuhi sa pagtuo.
Matod ni Pope Leo XIV, sa pamilya, ang pagtuo gipasa ug gipaambit sama sa pan ug gugma sa usag usa.
Gihisgutan usab sa Santo Papa ang pamahayag ni Pope Francis nga ang kinabuhi gihatag kanato sa wala pa nato kini gusto, ug gipahinumdoman ang mga pamilya nga ang kaugmaon sa mga tawo magsugod sulod sa usa ka pamilya.
Isip kabahin sa selebrasyon, ang Santo Papa mihimo sa Regina Caeli, usa ka Marian prayer, ug mihatag og mensahe sa paglaum sa mga bata ug pasalamat sa matag pamilya, ilabi na sa mga apohan, isip mga modelo sa pagtuo.
