Gilauman nga moabot sa 123.96 milyon sa 2035 ang kinatibuk-ang populasyon sa Pilipinas.
Basi sa pinakabag-o nga taho gikan sa Philippine Statistics Authority (PSA), ang populasyon sa nasud gilauman nga motaas og 0.85% kada tuig gikan sa 2020 hangtod 2035, diin ang Rehiyon sa CALABARZON gilauman gihapon nga mao ang pinakadaghang populasyon sa rehiyon sa nasud.
Sumala sa datos sa PSA, ang populasyon sa mga lalaki sa 2030 gilauman nga motaas ngadto sa 62.64 milyon samtang ang populasyon sa mga kababayen-an gilauman nga motaas ngadto sa 61.32 milyon.
Kadaghanan sa mga rehiyon gipaabot nga magpadayon sa mas taas nga populasyon sa mga lalaki sa 2035 gawas sa Metro Manila ug BARMM, nga gilauman nga malabwan sa populasyon sa mga kababayen-an.
Samtang, niadtong 2020, ang PSA mitaho nga siyam ka rehiyon ang adunay populasyon nga molapas sa 5 milyon, apan sa 2035, ang maong numero mosaka ngadto sa 12 ka rehiyon lakip ang Eastern Visayas, South Cotabato, Cotabato, Cotabato City, Sultan Kudarat, Sarangani, General Santos City (SOCCSKSARGEN), ug BARMM.
