Mikabat na sa kapin 112 milyon ang kinatibuk-ang populasyon sa nasud.
Basi sa Proclamation 973 ni Presidente Ferdinand Marcos Jr., adunay 112,729, 484 ka mga Filipino as of July 1, 2024.
Diin ang nasampit nga numero mas taas sa 3.69 milyones kon itandi sa Mayo 1, 2020 basi sa Philippine Statistics Authority (PSA).
Nakalatid sa Batas Pambansa 72 nga ang katapusang ihap sa populasyon makonsiderar nga opisyal sa tanan basi sa proklamasyon sa Presidente.
Ug ang 2024 Census and Populations and Community-Based Monitoring System gihimo gikan sa Hulyo hangtod sa Setyembre 2024 diin ang reference date kay Hulyo 1.
Nigawas usab sa usa ka pagtuon nga gihimo sa United Nations Population Fund (UNFPA) nga ang Pilipinas adunay 1.9 porsyento nga fertility rate matag babaye karong tuiga.
