CEBU – Nakit-an sa mga doktor ang mga timailhan sa usa ka virus sa kasingkasing sa baboy nga gibalhin sa usa ka tawo sa Maryland sayo ning tuiga, nga mahimong ipasabut sa kamatayon sa pasyente duha ka buwan ang milabay.
Nihimo og experimental surgery ang usa ka transplant team sa Maryland School of Medicine ug mianunsiyo nga giingong nataptan sa porcine cytomegalovirus ang kasing-kasing sa baboy nga gibalhin ngadto sa tawo.
Nasayran nga kasagarang makit-an ang maong virus sa mga piglets o baktin nga moresulta sa simtomas sama sa sip-on.
Kahinumduman, nga nakadawat si David Bennett og genetically modified nga kasingkasing sa baboy atol sa usa ka operasyon sa Enero ug sa sinugdan “maayo ang pagbuhat” sa misunod nga mga adlaw apan duha ka bulan human sa transplant, namatay ang 57-anyos nga pasyente.
Atol sa experimental surgery aduna nay terminal heart disease si Bennet ug gihimo ang pagsulay aron pagsulbad sa kakulang sa viable transplant organs.
