CEBU CITY-Positibo si Major General Mel Feliciano, ang Inter Agency Task Force (IATF) deputy chief implementer sa Cebu nga sa sunod nga duha ka semana makatagamtam na ang Sugbuanon ug positibong kausaban.
Human usab sa hagit nga gi-atubang sa kasamtangan samtang gipaubos pa ang dakbayan sa Sugbo sa Enhanced Community Quarantine (ECQ)
Nagkanayon si Feliciano sa dihang nahinabi sa Bombo Radyo Cebu atol sa tulumanong Bombohanay sa Udto nga kung ang status lamang sa covid-19 cases ang basehan ug ang sitwasyon sa Sugbo, mas duna matud pa karo’y kalambuan itandi sa wala pa gipahugtan ang ECQ sa dakbayan sa nakalabay nga duha ka buwan.
Hinoon, gi-angkon niini nga duna pa gihapoy pagsaka sa kaso apan inubanan man usab kini sa mga plano ug mga striktong sistema nga giimplementar sama nalang sa pagpatuman sa health protocols.
Dili pa hinoon matino sa chief implementor kung ma downgrade ba gyud ang Sugbo gikan sa ECQ status sanglit magdepende man kini sa rekomendasyon sa medical experts, lakip na ang business sector ug sa IATF ngadto ni Presidente Rodrigo Duterte.
