CEBU – Nakita sa usa ka pagtuon nga mas ni-triple pa ang rate o gidaghanon sa mga inahan nga nakasinati og postpartum depression karong panahon sa pandemya.
Naglakip kini sa 670 ka bag-ong mga inahan nga nakakompleto sa online screening tali sa Pebrero ug Hulyo 2020.
33.33% niini ang nagpositibo sa postpartum depression screening ug 20% adunay mga sintomas sa major depression.
Sa wala pa ang pandemya, gikataho nga 1 sa 8 nga bag-ong mga inahan adunay postpartum depression ug tali sa 5% ug 7% adunay grabe nga depresyon.
Nakapalan sa lead author Clayton Shuman, usa ka assistant professor sa nursing sa University of Michigan, nga 1 sa 5 sa mga nagpositibo sa depresyon nakahuna-huna sa pagpasakit sa ilang kaugalingon.
Nakita usab nga 92% sa mga bag-ong inahan nga nagpatotoy sa ilahang mga masuso gamit ang formula o milk powder ang nagpositibo sa depression itandi sa mga inahan nga naggamit mismo sa ilahang breastmilk.
