DUMAGUETE CITY-Padayon gihapon ang prayer rally sa kampo ni kanhi presidente Rodrigo Duterte nga gipahigayon sa Dumaguete gabii, Mayo 7, 2024 taliwa sa pagkanselar sa lokal nga kagamhanan sa permit sa grupo alang sa nasangpit nga aktibidad nga ipahigayon sa Pantawan People’s Park.
Apan, bisan paman sa mga kakulian, wala kini nakapugong ug ingon man nga napuno ang venue sa mga misalmot, arun ipakita ang ilang nagdilaab nga suporta sa kanhi presidente.
Usa sa mga gihatagan og gibug-aton ni Duterte ang hisgutanan sa Charter Change diin mao’y giduso sa kasamtangang administrasyon.
Asoy pa sa kanhi kung gani hilabtan o kon wala ang konstitusyon, mamahimong mabungkag ang Pilipinas.
Hinungdan nga padayon ang panawagan sa Maisug Group nga dili suportahan ang Charter Change.
Ingon man ang padayong gisinggit sa mga supporters nga anaa sa panagtigom nga mokanaog sa katungdanan ang kasamtangang presidente nga si Ferdinand Marcos Jr., gumikan sa mga pakyas ug kakuwang sa pagdumala sa nasud.
