Photo by Bombo Mich Dialogo
CEBU CITY-Pormal na gilusad ang Philippine Red Cross Molecular Laboratory nga nahimutang sa Brgy. Jagobiao dakbayan sa Mandaue di-in gipanguluhan kini ni Philippine National Red Cross Chair Senator Richard “Dick” Gordon.
Ang naasoy nga laboratoryo ang nagtumong nga makatabang sa kahimtang sa covid-19 cases sa Sugbo.
Gihimug-atan usab ni Gordon ang ka importante sa pagpa test sa COVID-19 arun pagpakgang sa pagkuyanap sa maung virus. Impurtanti usab ang pagsilsil sa alimpatakan sa matag usa isip carrier niini diin posibli nga matakbuyan ang si bisan kinsang miyembro sa pamilya.
Ang maong molecular laboratory ang maka-akumudar ngadtu sa 4, 000 ka mga taw kinsang mupa-ubus sa swab test matag adlaw. Makuha usab ang test tesults ni-ini minimum sulod sa 24 oras ug maximum ang 48 oras aron madali ang pagsuta kung si kinsa man ang mga nagpositibo sa ma-ung balati-an.
Aduna usab pagbaligya sa convalescent plasma sa PRC molecular laboratory apan giklaru ni Gordon nga ana-a lang kini sa 25, 000 pesos ug di na mulapas sa 40, 000 pesos di-in ubus kaayu itandi sa mga hugun-hugun nga pagpamaligya ni-ini og 80 mil pesos sa Barrio Luz, Cebu City.
Nanawagan usab si Gordon sa pagdunar usab og dugu sa PRC kini nunut na sa kakuwang sa supply sa mga blood bank atul sa ma-ung pandimya.
Gipasalamatan usab ni Gordon ang mga med tech kansang bulontaryo nga mihatag sa ilang sirbisyo alang sa pagpahigayon sa swab tests hangtud sa pagsuta kung kini pusitibu o nigatibi ba sa COVID-19.
Samtang si Dir. Stanley Caminero Chairman, Board of Directors nagkanayon nga dakung tabang ang katumanan sa pagmuntar sa na-asuy nga testing center dili lang sa dakbayan sa Mandaue apan lakip na ang mga kasikbit nga dakbayan ingun man ang paghangup sa mga kunstitwinti ni-ini pina-agi sa lidiratu ni Gordon sa PNRC.
Gitambongan ang inagurasyon ni OPAV Sec. Mike Dino, DOH RD Jaime Bernadas, North District Representative Lollipop Dizon, Chapter Administrator, PRC Cebu Maria Vera De Jesus ug uban pang mga representante. | Bombo Mich Dialogo
