Premyo sa usa ka magtutudlo nga midaug sa e-raffle sa Pasigarbo sa Sugbo hingpit nang natunol sa kagamhanan sa probinsiya

CEBU – Hingpit nang natunol sa kagamhanan sa probinsiya sa Sugbo ang premyo sa usa ka magtutudlo nga midaug sa e-raffle sa Pasigarbo sa Sugbo niadtong nakalabay nga buwan sa Agosto 2022.

Giila ang midaug nga si Emelita Pelaño, magtutudlo sa El Pardo National High School sa lungsod sa Boljoon, probinsiya sa Sugbo.

Matud ni Pelaño nga wala kini magdahum nga sa 2,000 ka mga mi-qualify sa maong e-raffle, siya ang na-swertehan nga nakadaug.

Giingong dako kini ug gamit diin dugay nang gipangandoy sa iyahang pamilya nga magka-sakyanan arun nga ilahang himuong family service.

Nakuha niini ang brand new nga Toyota Hilux nga nagkantidad ug dul-an sa P1-million, ug mismong si Cebu Provincial Governor Gwendolyn Garcia ang mitunol sa premyo.