-- ADVERTISEMENT --
Nakaandam na ang Kagamhanang Dakbayan sa Sugbo sa umaabot pagsugod sa Simbang Gabi sa mga Romano Katolikong Simbahan sulod sa syudad ining Disyembre 16.
Gani gisaysay ni Cebu City Councilor Dave Tumulak sa eksklusibong pakighinabi niini sa Bombo Radyo Cebu News Team nga ang mga personahe sa dakbayan kay nakaandam na.
Kini gilangkoban sama sa ambulance team, disaster personnel, traffic enforcers, fire trucks ug uban pa kay nakaplastada na sa ilang designation aron masiguro ang kaluwasan sa publiko.
Dugang pa sa opisyal nga base sa kalendaryo, ang ilang pagpangandam kay muhangtod kini sa Enero 2026 isip pagselebrar sa pinakadako ug tanyag nga kapistahan sa tibuok Pilipinas, nga mao ang Sinulog Festival.
