Gi-komendyahan ni Presidente FErdinand Marcos Jr. si Senate President Chiz Escudero ug mga senador nga giingong gusto mahimong kabahin sa Korte Suprema nga adunay fiscal autonomy na ang labing taas nga korte.
Basi sa sulti sa Presidente, unsaon man pagpasar ni Escudero ang iyang mga balaod kon adunay mga senador nga mo-aplay sa Korte Suprema.
Gihimo sa Presidente ang pamahayag sa wala pa ang iyang pakigpulong sa pagpirma sa Judiciary Fiscal Autonomy Act nga gipahigayon sa Palasyo sa Malacañang.
Apan, karon kay hingpit na kining gipirmahan ni Marcos gilauman nga makapalig-on pa sa awtonomiya sa Hudikatura.
Sa iyang pakigpulong, ang Presidente miingon nga pinaagi sa bag-o lang gipirmahan nga Judiciary Fiscal Autonomy Act, ang Hudikatura molihok nga mas episyente ug independente.
Ang Presidente mipahibalo nga ubos ning maong balaod, ang proposed budget sa Judiciary direktang isumiter sa Kongreso ug maapil sa national budget sama sa drafted.
Gidugang usab sa Presidente nga ubos sa bag-ong balaod, ang lehislatura dili makakunhod sa pundo nga gigahin sa Hudikatura.
Gilatid sa nasangpit nga balaod nga ang Punong Mahistrado adunay gahom sa pagpausbaw sa bisan unsang butang ug pagbag-o, pinaagi sa en banc resolution, ang alokasyon sa pundo—sumala sa gitakda sa balaod.
Ang Presidente nag-ingon nga ang Korte Suprema obligado sa pagtaho matag tulo ka bulan ngadto sa Executive Branch ug sa Lehislatura kung giunsa paggasto sa Hudikatura ang mga pundo niini.
Ingon man nga ang DBM mahimong bulag nga magsumiter sa iyang mga komento ug rekomendasyon sa sugyot sa badyet sa hudikatura.
Lakip sa nakasaksi sa pagpirma sa balaod mao ang pipila ka mga sakop sa gabinete, senado, kamara ug korte suprema.
