Gilagdaan na ni Presidente Ferdinand Marcos Jr. ang balaodnon nga nag-postpone sa eleksyon sa Bangsamoro Autonomous Region in Muslim Mindanao (BARMM).
Gikompirmar ni Commission on Election (Comelec) chairman George Garcia ang maong presidential signing aron i-postpone ang BARMM elections nga ipahigayon unta sa umaabot Oktubre 13, 2025.
Dugang pa ni Garcia nga gi-certify pa sa presidente nga dinalian na ang maong balaod.
Una nang niingon si Garcia nga sa pagpahigayon sa BARMM elections, gikinahanglan ang P2.5-B budget tungod kay mamahimo na usab nga automated kini.
Buot usab nilang masayran ang pag-apod-apod sa pito ka parliamentary seats nga anaa kaniadto sa Sulu ug kon ablihan ba nila ang filing sa certificates of candidacy sa tibuok Bangsamoro o sa mga apektado lang sa pag-apod-apod sa pito ka mga puwesto.
