CEBU – Usa ka giingong miyembro sa New People’s Army (NPA) ang gikatahong napatay sa engkwentro tali sa maong grupo ug sa militar niadtong Hulyo 20, 2022, sa Guihulngan City, Negros Oriental.
Sumala pa sa taho sa militar, nagpinusilay ang mga sundalo sa 62nd Infantry Batallion sa Philippine Army ug mga giingong NPA sa Sitio Taluktok sa Brgy. Sandayao sa naasoy nga dakbayan.
Nilungtad og lima ka minuto ang sinukliay sa bala tali sa duha ka habig.
Nga mao usay gibutyag ni Major Israel Galorio, ang tigpamaba sa AFP Central Visayas Command atol sa eksklusibong pakighinabi sa Bombo Radyo Cebu.
Matod pa ni Galorio nga nagpahigayon og conduct patrol ang grupo sa militar dihang naka-engkwentro ang walhong grupo.
Sa sunod-sunod nga mga engkwentro, namahayag si Galorio nga nagkahinay na ang presensya sa mga sakop sa New People’s Army (NPA) sa Negros Oriental.
Gumikan wala na makauyon ang katawhan sa maong grupo ilabi na usa ang walhong grupo sa niguba sa kaugmaon sa kabatan-onan.
