LAPU LAPU CITY, CEBU-Hugot nga seguridad ang ipatuman sa reenactment sa ika-503 nga “Kadaugan sa Mactan” sa dakbayan sa Lapu-Lapu karong adlawa Sabado, Abril 27, 2024, tungod sa presensiya ni Presidente Ferdinand “Bongbong” Marcos Jr. ug uban pang taas nga opisyal sa gobyerno.
Mao kini ang gikompirmar ni Marky Bautista, public information officer (PIO) sa Lapu-Lapu City, ang pagtambong ni Marcos.
Dugang pa ni Bautista, nga imbitado usab si Bise Presidente Sara Duterte, apan wala pa niya gikumpirmar ang iyahang pagtambong.
Ug ingon man nga ang presenya ni House Speaker Martin Romualdez, uban sa ubang mga senador ug kongresista ang mikompirmar sa ilang pagtambong.
Sa pakighinabi sa Bombo Radyo Cebu Newsteam kang Police Lt. Col. Christian Torres, ang tigpamaba sa Lapu-Lapu City Police Office, gitino niini nga anaa sa full alert status ang mga sakop sa kapolisan aron masiguro ang hapsay ug luwas nga pagbisita, ingon man ang kalihukan nga tambongan ni Marcos Jr.
Nasayran usab nga tulo ka mga lugar ang bisitahon sa presidente sa dakbayan sa Lapu-Lapu.
Dugang pa ni Torres nga tungod sa presensiya sa presidente, adunay augmentation gikan sa Regional Police Office ug Armed Forces of the Philippines.
Hinuon, malaumon sila nga magmalampuson ug malinawon ang nasangpit nga kalihokan ilabina og limitado ang gidaghanon sa mga tawo nga makasulod sa Liberty shrine gumikan ana ang Presidente ug kon gani modagsa nga mga tawo anaa ra kini sa gawas ug posibling makasulod na lang sila kung nakalakaw na si Marcis Jr.
Subay niini, hingpit nga gipasidan-an ang mga manan-aw sa reenactment nga kinahanglang mangandam alang sa hugot nga seguridad, rerouting, ug mga pagsira sa dalan.
