CEBU CITY-Nanawagan si Consolacion Mayor Teresa Alegado,ngadto na ni Presidente Rodrigo Duterte nga mu intervene na sa padayon nga pagsaka sa presyo sa commercial rice sa merkado.
Matud ni Alegado nga gikinahanglan na gyud nga mu aksyon ang gobyerno niini aron mapugngan ang mga negosyante sa bugas sa pagpatuyang sa pagpasaka sa presyo sa bugas gumikan sa kakulang sa supply sa NFA rice.
Si Alegado kinsang presidente sa Confederation of Grains retailers association of the Philippines Inc. nagkanayon nga gumikan nga karon hurot na gyud ang stock nila sa NFA nga mao untay gilauman nga maka stabilize sa presyo sa bugas sa merkado.
Matud ni Alegado nga walay laing angay basulon niini kundili ang NFA mismo nga maoy matud pa nagbaya niadtong mga panahon nga unta nagpondo sila sa ilang bodega ug mga bugas nga magamit karong panahuna.
Subay niini nanawagan si Alegado sa katawhan nga dili lang magpanic sa pagsaka sa presyo sa bugas sanglit matud pa nga duna may supply nga gipaabot diin mukabat sa 4 ngadto na sa 5 ka milyon ka sako nga bugas nga mahimo nga ipang apod apod sa mga retailers sa tibuok nasud.
