Giinsister ni Iranian President Masoud Pezeshkian nga panahon na aron tapuson ang gubat nga molungtad og pipila ka bulan sa Middle East ug Estados Unidos.
Sa usa ka miting, ang presidente miingon nga mas maayo nga tapuson ang gubat karon samtang lig-on pa sila ug adunay dignidad.
Dugang pa niini nga giila sa tibuok kalibutan ang ilang kadaugan ug gipasiugda nga giatake sa Amerika ang ilang mga eskwelahan, ospital ug imprastraktura nga supak sa tanang regulasyon, usa ka butang nga gidumtan sa tibuok kalibutan.
Gidepensahan usab ni Pezeshkian ang memorandum of understanding nga gikasabutan sa Amerika niadtong Hunyo nga nagtumong sa pagtapos sa gubat, nga nag-insister nga dili kini timaan sa kapildihan alang sa Tehran.
Miingon siya nga walay bisan unsa sa kasabutan nga nagpakita sa ilang “pagsurender” ug nga ang tanang pasalig alang lamang sa pikas nga bahin.
Gihimo sa Presidente sa Iran ang pahayag human giingon ni Supreme Leader Mojtaba Khamenei nga iyang giaprobahan ang kasabutan nga tapuson ang gubat bisan pa sa lainlaing mga panan-aw.
