CENTRAL VISAYAS- Namalampuson ug walay insidente ang opisyal nga pagbisita ni Ferdinand R. Marcos Jr. sa Liloan ug Mandaue City niadtong Pebrero 26, 2026, human epektibong gipatuman ang komprehensibo ug maayong pagkoordinar nga security plan atol sa iyang engagement sa probinsya sa Cebu.
Sumala sa Police Regional Office 7 (PRO7), maayong nadumala ang kahusay sa mga lihok sa Presidente, nasiguro ang kaluwasan sa tanang activity venues, ug napadayon ang public safety tungod sa lig-on nga panagtinabangay tali sa national ug local government agencies, force multipliers, ug uban pang security stakeholders.
Matud ni PBGen. Redrico A. Maranan, Regional Director sa PRO7, dako ang iyang pagpasalamat sa tanang personnel nga nalambigit sa security operations.
Gidugang pa niya nga ang kalampusan sa security coverage nagpakita sa lig-on nga commitment sa PRO7 sa pag-alagad sa katawhan ug sa pagpanalipod sa nasudnong mga lider.
Matud pa sa PRO7, ang malampusong presidential visit usa ka pamatuod sa kahandam, disiplina, ug kapasidad sa kapulisan sa Central Visayas sa pagdumala sa high-level engagements samtang napadayon ang peace and order sa komunidad.
