Nagpahayag og kasagmuyo si Presiding Officer Chiz Escudero ug gihulagway nga dili angay ang kalit nga pagpakita sa epekto nga daw nagdilaab nga kalayo samtang nag-ampo si Senator Alan Peter Cayetano atol sa ika-44 nga adlaw sa impeachment trial ni Vice President Sara Duterte.
Tungod niini, gibadlong ni Escudero ang Senate Public Relations and Information Bureau (PRIB) ug gihangyo nga mas mag-amping sa paggamit sa mga visual effects human aksidenteng gipakita ang maong epekto nga daw nagdilaab.
Matod ni Escudero, dili angay ang maong epekto sa seryosong proseso sa impeachment trial.
Nabantayan usab kini sa mga netizen ug gilantaw nga kontrobersiyal tungod kay nigawas ang maong epekto samtang nag-ampo si Cayetano.
Tungod niini, gimandoan ni Escudero ang klerk nga tangtangon ug usbon ang maong visual effect sa opisyal nga rekord sa Impeachment Court kay dili kini angay sa maong pagdungog.











