CEBU CITY – Gibutyag ni Philippine Coast Guard, Cebu station commander Dionelette Ampil nga gumikan sa pressure sa ilawom posibling adunay oil spill nga mahitabo.
Kini subay na sa nahitabong paglubog sa cargo vessel M/V Fortuner diha na sa may Talisay City, Cebu port kagahapon sa buntag.
Matud ni Ampil nga bisan pa man og 90 ft. lang ang gilawmon sa gilubugan niini hayan kusog ang pressure diin posibling maoy hinungdan sa pag-leak unya sa oil nga gikan sa vessel.
Samtang giklaro niini nga wala may casualty sa 22 ka mga crew nga sakay sa maong cargo vessel gumikan kay sa dihang paingon na kini nga mulubog giingong dali nga nakatawag ang mga crew sa sister company nga duol sa area hayan gipadalhan sila og tugboat arun nga sila makabalhin ug maluwas sa gilayon.
