Nagsugod na sa pagkunhod ang presyo sa bugas sa kamerkadohan, kini ang gikumpirmar sa Department of Agriculture nunot sa malampusong pagpatuman sa Kadiwa “Rice-for-All” program sa Presidente.
Ingon man nga naglisod na ang mga tigbaligya og bugas sa merkado kay walay mamalit og bugas kay ang tanan anaa sa Kadiwa sa Presidente buying initiative DA, local dealers, importers wholesalers nga gisuportahan usab sa Philippine National Police (PNP).
Gisiguro sa programa ang saktong pag-apod-apod sa barato nga presyo sa bugas nga mokabat sa P40 matag kilo apan limitado lang sa 25 kilos nga mapalit sa usa ka indibidwal.
Matod ni Department of Agriculture Secretary Francisco Tiu Laurel, ang bugas nga gibaligya sa Kadiwa mas barato og P3 ngadto sa P5 kon itandi sa gibaligya sa mga market retailer.
Tungod sa kadaghan sa atong mga kababayan nga nipili sa pagpalit og bugas sa Kadiwa, nitaas ang halin sa mga rolling stores.
Basi sa monitoring sa DA, gikompirmar na sa market rice retailers ang presyo nga gibaligya sa rolling stores.
Karong Disyembre 27, 2024, ang Kadiwa sa Presidente “Rice-for-All” mibalik sa ikapitong adlaw niini.
Target niini nga ang mga konsumidor makapahimulos sa baratong bugas human sa pagsugat sa Bag-ong Tuig.
