Mipasalig nga magtinabangay si Speaker Martin G. Romualdez ug ang Department of Agriculture (DA) aron makab-ot ang tumong sa pagpakunhod sa presyo sa bugas ubos sa P30 matag kilo sa pipila ka bahin sa nasud sugod sa Hulyo.
Matud sa opisyal nga masaligon kini nga possible ang pagtanyag sa bugas nga ubos sa P30 matag kilo sa sayo pa sa Hulyo ning tuiga.
Diin ang buhatan sa Departamento sa Agrikultura giila na ang mga lugar nga barato, well-milled rice nga mahimong magamit sa publiko.
Gianunsyo sa lider sa Kamara ang kasabutan atol sa pakigtagbo niini kang Agriculture Secretary Francisco Tiu Laurel, sa mga mahinungdanong opisyal gikan sa National Irrigation Administration (NIA), ug uban pang ahensya nga kauban sa DA sa Speaker’s Office.
Gitataw niini nga bisan dili kini mapatuman sa tibuok nasud apan, gitinguha niini nga ma-implementar kini sa mga piniling lugar nga giila sa Department of Agriculture.
