Gikatakdang musaka ang presyo sa karneng baboy karong nga nagsingabot na ang “ber” months diin ang demanda sa maong produkto kay magkataas dungan sa mas ubos nga produksyon tungod sa panahon sa ting-uwan.
Gikan sa average nga farm-gate price nga P190 kada kilo, ang lokal nga pork farm-gate nga presyo mahimong mosaka ngadto sa P230 matag kilo, nga makadala sa retail price niini ngadto sa mga P350 matag kilo, sumala sa Pork Producers Federation of the Philippines.
Matod pa sa president sa maong grupo nga bisan paman nga ubos ang kasamtangang farm-gate price kay ang retail price niini kay taas gihapon nga musaka sa P330 ngadto na sa P380 price per kilo.
Siya miingon nga usa sa mga hinungdan mao ang “huyang nga produksiyon” tungod sa padayon nga problema sa African Swine Fever, tungod kay ang industriya naghulat pa sa commercial availability sa usa ka anti-ASF nga bakuna.
Dugang pa ni Harina nga ang ting-uwan nga mga bulan sa Hulyo ngadto sa Agosto nakadugang usab sa huyang nga produksiyon, tungod kay ang mga baboy sagad masakit niining panahona.
Nakadugang usab sa kabug-at sa mga lokal nga mag-uuma sa baboy ang kompetisyon sa imported nga karne, nga mas barato kon itandi sa mga lokal nga produkto.
Ang hepe sa grupo sa mga producer sa baboy misugyot nga tangtangon ang middleman system ug ang episyente nga pagpadali sa farm-to-market o retailer system aron masulbad ang problema.
