Misaka pa ang presyo sa krudo sa pagsugod sa Asian trading samtang nagpabilin nga wala’y klaro ang gi-atangan nga diplomatic resolution sa giyera sa Amerika ug Iran ilabina nga padayon ang ilang binombahay nga gisamutan pa sa pag-deny ni United States President Donald Trump sa pinaka-ulahing peace proposal sa Iran.
Ang Brent crude misaka og 30 sentabos kon 0.29 porsiento rason nga mi-abot na ang presyo niini ngadto sa $104.51 matag-bariles samtang ang US West Texas Intermediate (WTI) misaka og 31 sentabos kon .32 porsiento rason nga mi-abot na kini ngadto sa $98.38.
Kini nga pagsaka natigayon human nga ang duha ka mga dagkong oil benchmarks nagsira og dul-an sa 2.8 porsientong mas taas samtang gitimbang-timbang sa mga traders ang impact sa nagpadayong kagubot sa energy exports.
