Anaa na karon sa kinatas-an ang presyo sa lana sa Pilipinas human sa ikaduhang hugna sa dakong pagsaka sa presyo sa lana.
Sumala ni Department of Energy (DOE) Secretary Sharon Garin, ang departamento nakatala sa duha ka pinakataas nga sunod-sunod nga pagsaka sa presyo sa mga produkto sa petrolyo sa kasaysayan sa nasud.
Matod niya, kini ang pinakataas nga sunod-sunod nga pagsaka sa presyo sa sektor sa petrolyo. Kung kini mahimong epektibo, kini usab ang pinakataas nga presyo sa maong mga produkto base sa mga rekord sa kasaysayan.
Dugang pa sa kalihim nga ang presyo sa lana mahimong mas taas pa sa mga lugar nga layo sa National Capital Region, labi na sa mga lugar nga nanginahanglan og mas taas nga biyahe aron maghatud sa mga suplay sa petrolyo.
Unang mitaas ang presyo sa lana niadtong Martes, Marso 10, human nga mitumaw ang kagubot sa Middle East diin pipila ka mga nasud ang naapektuhan sa kagubot.
Moabut sa P50 ang pagsaka sa presyo sa diesel, samtang P42 sa Kerosene og sobra P25 sa gasolina.
