-- ADVERTISEMENT --

Pormal na nga gidawat sa Singapore ang pagpangu sa Association of Southeast Asian Nations (ASEAN) alang sa tuig 2027, atol sa seremonya sa pagtapos sa 2026 ASEAN Summit.

Sa iyang pakigpulong, gidayeg ni Singapore Prime Minister Lawrence Wong ang Pilipinas—ubos sa pagpangulo ni Presidente Ferdinand Marcos Jr. tungod sa malampuson niining pagdumala isip ASEAN Chair karong tuiga.

“This has been a challenging year for our region and indeed for the world. But under the Philippines’ leadership, ASEAN has remained united and continued to move forward with ambition and purpose,” matod ni Wong.

Gipasiugda usab niya ang tema nga “Deeper Integration and Wider Partnership” (Mas Lawom nga Integrasyon ug Mas Lapad nga Panag-uban), nga nagtumong sa pagpalig-on sa integrasyon ug kooperasyon taliwala sa mga nasod nga miyembro sa ASEAN ug uban pang mga global nga kauban, aron mapalapad ang mga oportunidad, mapadayon ang kalinaw, ug mapalig-on ang rehiyon.