Andam alang sa usa ka mahinungdanog panagpuong ang PrimeWater sa Local Water Utilities Administration (LWUA).
Sa usa ka pahayag nga gipagawas sa PrimeWater, giingon nga nakig-alayon na kini sa LWUA alang sa kooperasyon aron masulbad ang mga isyung giatubang.
Ang water concessionaire nipasalig sa publiko nga gipakusgan niini ang mga inisyatiba aron matubag ang mga panginahanglanon, ilabi na sa mga dapit nga bulay-og ilang serbisyo.
Matod nila pabilin silang mipasalig sa pagsulbad sa obligasyon sa paghatag ug long-term improvement alang sa hapsay, kasaligan ug malungtarong serbisyo sa tubig.
Ang Prime Water nipagawas sa maong pamahayag human ang Presidente mimando og imbestigasyon sa isyu sa suplay sa tubig nga giserbisyuhan sa water service provider.
