MANDAUE CITY-Mitubag ang Principal sa Labogon National Highschool nga si Aboundio Benetiz kabahin sa pasangil sa usa ka estudyante nga gipakauwawan ug gigunting ang iyahang ID sa atubangan sa iyahang mga classmates human kini wala misunod sa balaod sa eskwelahan nga dili mag-tsinelas.
Gi-angkon sa maong principal nga tinuod ang pasingil ug mibutyag nga iyaha kining gibuhat tungod sa ‘historical background’ sa Labogon kung diin nahimutang ang maong tughaan diin matud pa niini gipalibutan sa mga fraternity groups ug mosulod sa tughaan.//
Dugang niini nga ang kaso sa atang-atang, rambol sa gawas ug sulod sa eskwelahan na-forward na sa police station sa Basak ug ang uban nga kaso gipasang-at sa Barangay.
Lakip usab nga iyahang gibutyag ang higayon nga adunay mga bata nga makasulod sa tunghaan gamit ang mga karaan nga ID nga ginuwam sa ilahang mga kaila ug mag-rugby sa Cr tungod nga masipyat ang gwardya.
Mao nga kusganon niini nga gi-implimentar ang ”ID policy” nga ang bata modala ug mo-sul-ob sa bag-ong hinimo nga ID diin gi-distribute sa mga advisers.
Ingon man nga kusganon niini nga gihimakak nga dili dawaton ang mga tinun-an nga mag-tsinelas nga motambong sa klase.
