-- ADVERTISEMENT --
CEBU – Nanghatag ug mga pasidungog ang Police Regional Office sa Central Visayas (PRO-7) sa nagkalain-laing police units ug police officers sa rehiyon atol sa ika-121 nga selebrasyon sa Police Service Anniversary sa PRO-7 headquarters, gahapong adlawa Martes, Agosto 30, 2022.
Matud pa ni Police Lieutenant Colonel Mary Crystal Peralta, tigpamaba ni PRO-7 director Police Brigadier General Roque Eduardo Vega, nga kini nga aktibidad maoy ilang paagi sa pag-ila sa mga police units ug mga opisyal sa ilang kontribusyon sa kampanya sa PNP alang sa kalinaw ug kahusay.
Alang sa tagsa-tagsa ka awardees, labing menos 10 ka mga pulis gikan sa nagkalain-laing police units sa Central Visayas ang nakadawat og mga pasidungog.
